WAT ASS D'AGL?

'AGL' ass d'hollännesch Ofkierzung fir d'Liga vu Geofiktiven Natiounen, eng international Organisatioun vu meeschtendeels onparteiesche Länner déi net wiirklech existéieren. Si gouf 1986 erschaaft vu Membere vun der hollännescher Vereenegung fir Geofiktioun. Zënter si vill Länner vun der AGL fortgaangen, awer aner sinn dobäi komm. Am Ament huet d'AGL zéng vollwäerteg Memberstaaten: Seppien, Krounebuerg, Insulantis, Ëssel, Chimor, Île de Romanhe, Karstonia, Palana, Voskien an d'Kanalinselen. D'Kinnekräiche Seppien a Karstonia sinn déi eenzeg vun den heitige Memberstaaten, déi d'AGL nach matgegrënnt hunn.

Et gëtt dräi wichteg Institutioune bannent der AGL. Op éischter Plaz gëtt et d'Konferenz; d'Versammlung vun Delegatiounen déi zweemol d'Joer ofgehale gëtt. D'Konferenz schwätzt iwwert Saachen déi sech bezéien op der Ausféierung vun den Aufgaben an Obligatiounen ewéi ëmschriwwen am Artikel 12 vun dem Traité vun Aralethe - der AGL säi Grënnungstraité.
Déi zweet Institutioun ass d'Sekretariat, den exekutive Comité vun der AGL, déi hir Sëtzung an der seppescher Haaptstad Prisce huet. D'Sekretariat steet ënner der Presidence vum Generalsekretär, die vun der Konferenz op véier Joer ernannt gëtt (hien oder si dierf zweemol widderernannt ginn). Déi heiteg Generalsekretärin, d'Heidi Ankerskjöld, gouf de 6. September 2012 ernannt; si ass eng fréier Staatsministesch vu Karstonia.
Déi drëtt Institution ass der AGL hiert Iewescht Geriicht, dat hir Sëtzung an der seppescher Stad Jarjana huet. Dat Iewescht Geriicht gëtt nëmmen unerkannt vu Memberstaaten déi den Traité vu Jarjana ënnerschriwwen a ratifizéiert hunn. Den Traité vu Jarjana handelt sech ëm d'Rechter vu Persounen déi a Länner wunnen déi den Traité unerkennen.

D'AGL huet och e puer Ënnerorganisatiounen: d'AEGU (zu It Ton, an Ëssel) ass déi economesch Organisatioun vun der AGL. Duerno gëtt et EnerGeo (zu Ultruneum, an Insulantis), en Institut dat de friddleche Gebrauch vun (alternativer) Energie stimuléiert. D'Monoghan Institute for the Environment (M.I.E., d'Monoghan Institut fir d'Ëmwelt, zu Divis, Voskien) observéiert d'Ëmwelt an den AGL-Länner a gëtt hinnen doriwwer Rot. Den Zenter fir Kulturell Collaboratioun 'Jan Ylieen' (zu Waterbuerg a Krounebuerg) wëll d'kulturell Zesummenaarbecht tëschent de Memberstaate stimuléieren. Zënter 2011 gëtt et och d'Investitiounsbank vun der AGL (zu Marckfontänn a Karstonia).

D'AGL organiséiert regelméisseg kulturell a sportlech Evenementer. Éischtens gëtt et d'Kulturell Haapstad vun der AGL; dësen Titel gëtt all Joer enger Stad an engem AGL-Memberstaat zouerkannt. 2016 ass d'Kulturell Haapstad Besnej, eng Stad a Palana. Eemol op véier Jore ginn d'AGL-Spiller organiséiert; 2015 goufe si zu Langheul (Issel) ofgehalen. A schliisslech gëtt et d'AGL-Foussballsmeeschterschaft, déi gläichfalls eemol op véier Joren organiséiert gëtt. 2009 gouf si ofgehalen a Krounebuerg a 2013 op Île de Romanhe; déi nächst Editioun vun 2017 fënnt op de Kanalinsele statt.

D'AGL-Memberstaaten

D'Kinnekräich Seppie läit an dem Atlantik, am Südweste vun Irland. D'Land ass e bësselche méi grouss ewéi Holland, huet méi ewéi 11 Millioun Awunner (vun deenen 80% Katholik ass) an huet dofir déi déckst Populatioun vun de westeuropäesche Länner baussen der EU. Déi seppesch Sprooch ass Famill mam Baskesch. D'Kinnigin Arna-Lotta ass d'seppesch Staatschefin zënter 1987. Seppie wor den 2. Mäerz 1986 ee vun de Grënnungsmembere vun der AGL.

Krounebuerg ass e klengt Kinnekräich tëschent Long Island, Rhode Island a Massachusetts. Am 16. a 17. Joerhonnert goufen d'Insele koloniséiert vu Leit aus zum dacksten den nordlechen hollännesche Provënzen Friesland a Groningen; d'Land gouf 1627 onofhängeg. De krounebuergesche Staatschef ass de kinnek Ernst I Frederik (zënter 2010). D'Land ass zënter dem 31. Juli 1999 e vollwäertege Member vun der AGL, nodeem et ee Joer associéiert gewiescht wor.

No dem Ënnergang vum réimesche Räich sinn e puer Réimer iwwer d'Welt gereest fir eng Plaz ze siche wou si hiren Traditiounen no weiderliewe konnten. Si sinn op e puer Inselen am Indeschen Ozean koum a si hunn d'Keeserräich Insulantis gegrënnt. Am Moment ass de keeserlechen Troun vacant zënter dem leschte Keeser Alexandrus XI säin Doud an 2008. Insulantis ass e Memberstaat vun der AGL zënter dem 11. April 2009.

Ëssel ass e Kinnekräich an der Nordséi, dat eng laang Traditioun vu Béier huet. Am Moment ass de Staatschef de Kinnek Hirn-Jan IV (zënter 1987). D'Land ass laang reservéiert gewiescht wat international Collaboratioun ugeet, mä viru kuerzem gëtt dës Attitude kritiséiert bannen dem Land selwer. Ëssel huet den 13. September 2009 d'vollwäerteg Memberschaft vun der AGL kritt, wat gesi gi kann ewéi e virsiichtege Schrëtt an der Direktioun vun der internationaler Communautéit.

Chimor ass eng Inselgrupp am Pazifeschen Ozean, nobäi Peru a Chile. D'Land ass eng Republik mat enger ataxunistescher (pragmatesch sozialistescher) Grondlag. Säin Numm kënnt vun de Chimu, eng héichentwéckelt Kultur déi aus Peru fortgelaf ass virun den Inka. Chimor gouf 1980 onofhängeg vu Spuenien. Säi Staatschef ass d'Presidentin María Morillo Vargas (zënter 2010). Chimor ass zënter dem 13. September 2009 e vollwäertege Member vun der AGL.

Île de Romanhe ass eng Republik am Indeschen Ozean, ongeféier 1500 km am Nordweste vun de Kerguelen. D'Land ass isoléiert a gebiergeg, et huet wéinig Awunner an d'Klima ass kal a lëfteg. 1982 gouf et onofhängeg vu Frankräich. Zënter huet d'Land turbulent Zäite gekannt, awer an de leschte Joren ass et méi stabil ginn. Den Aristide Faroz-Zaran ass zënter 2009 dem Land säi Staatschef. De 13. September 2009 gouf Île de Romanhe e Member vun der AGL.

Karstonia ass e Kinnekräich am Baltesche Mier, dat grenzt un Estland a Lettland. D'Land wor den 2. Mäerz 1986 ee vun de Grënnungsmemberen vun der AGL, awer wor tëschent 2004 an 2009 kee Member. Karstonia huet wärend dem Kale Krich eng schwiereg Roll gespillt tëschent dem Westen an dem Osten, awer ass 1995 der EU bäigetrueden. Zënter 2007 ass den Henrik-Otkar II dem Land säi Kinnek.
D'Volleksrepublik Palana ass e Land an der Pazifesch Ozean um Südosten vu Kamtschatka an um Nordosten vu Japan. Et gouf den 25. Mäerz 1917 unabhängeg vu Russland, fir d'éischt wéi eng presidentiell Republik, awer zanter dem zweete Weltkrich (an dem Palana besetzt gouf vu Japan an duerno vun der UdSSR befreit) ass d'Land eng kommunistesch Volleksrepublik. D'heiteg Regime probéiert eng sozialistesch Maartwirtschaft anzeféieren.
Voskien ass eng Republik a Südeuropa. Et grenzt un der italienesch Regioun Kalabrien an iwwert d'Mier och un Albanien a Griicheland. D'Land läit ronderëm eng déif Mieresstroos tëschent d'Mëttelmier an d'Adria. D'Land war bis 1946 meeschtens Deel vun anere Räicher, virun allem vum Kinnekräich vun der béide Sizilien a vum Kinnekräich Italien. 1946 gouf Voskien onofhängeg an 1996 ass d'Land eng Republik ginn. Zënter 2014 ass de Başkim Arhali dee voskesche Staatspresident.
D'Markgrofschaft vun de Kanalinsele sinn e puer Inselen am Äermelkanal, tëscht den Inselen Jersey a Guernsey an der normandescher Küst. Bis 1999 waren d'Inselen en autonomt Gebitt vun der britescher Kroun, mee an deem Joer si si Deel vun enger Personalunioun mat den anere Kanalinsele ginn. 2009 gouf dës Unioun fäerdeg gemaach an d'Land gouf onofhängeg. De Staatschef ass de Marquis vun Hearst. D'Haaptstad ass Port Meryton.